فاطمه المعصومه

فاطمة المعصومة
يزينب لا تعوفيني يزينب اخوج ومن تشوفيني يزينب
دمي معفر جسمي مطبر
شوفي المنحر يابت حيدر
lllllllll
يزينب لاتعوفيني يخيتـــــــــــي
اضل بكربلا انه ودمعتــــــــــي
وتشوفي بيا محن كثرت محنتي
واخبرج لاتعوفيني بغربتـــــي
غريب ودمي بالمجرى يزينب واخوتي عالارض صرعى يزينب
همي عليكم ماناسبكم
وانه ادريكم ظيم البيكم
lllllllll
واذا ضعنج مشه يختي بملامــــــه
يضل راسي يبت حيدر علامــــــه
وتضل روحي وحك جدي وكلامه
تمشي ويه الضعن مشي الحمــامه
تضل روحي ترى وياكم يزينب كلب دامي واجه احذاكم يزينب
كلبي وياكم ون بجفافكم
ماخلاكم وما ينساكم
lllllllll
يزينب من فكتيهه اليتيمــــــــــه
يتيمه من الضعن طاحت حريمه
وانه ادريج يازينب هضيـــــــمه
عفيفه وطاهره يختي وحليــــمه
يزينب دمعج اذاني يزينب ونينج خويه سلاني يزينب
يامهضومه يامحرومه
اصعب يومه يامندومه
lllllllll
يزينب يختي بالكوفه ضعــــــونج
على راسي تضل تربه عيـــــونج
وصبري من يجر صوطه وينولج
عيالي يختي ماتصبر بـــــــــدونج
عيالي يختي داريهه يزينب هضيمه يختي سليهه يزينب
فكدت والي وفكدت غالي
خويه عيالي تصرخ عالي
lllllllll
واذا الطاغي يسكنكم خــــــرابه
الدهر يختي يبث ضيمه ومصابه
واذا شفتي على ضعنج عـــصابه
وانتي يختي ماعنج قـــــــــــرابه
دمعتج غاليه عليه يزينب دمعتج اثرت بيه يزينب
حسين ونحره وبيه الجمره
اه يلحره بت الزهره
lllllllll
واذا للشام يازينب سبــــــيه
مشيتي بالضعن عينج علـيه
شفت حيدر انه وامي الزجيه
وشفت جد النبي سيد البــريه
شفت جدي النبي المرسل يزينب وشفت امي على المحمل يزينب
اه عيوني لا تنسوني
من تلفوني لاتخلوني
lllllllll
للشاعر الحسيني محمد الابراهيمي
25/12/2008