فاطمه العليله

فاطمه العليله
انه العليله حسين اشتكيله
بويه غريبه بس دمعي اسيله
شينشف دموعي
محنيه ضلوعي
*****************
عليله ومن زغر سني اون ونــات
يودعني ابوي وزادت الحســــرات
وانه بدمعي صرت بموادع العمات
يزينب لا تعوفيني اجر لوعــــــات
زغيره ويتيمه يزينب هضيمه
عكبكم يبويه عزاكم اقيمه
خابت ضنوني
اضن ماتجوني
*****************
شفت عمي يشد نوك السفر بيده
بسبب هذا العمر ياعمي ماريده
واذا ضعنك مشى يابويه شيعيده
شيعيد الشمس جيتكم بعيــــــــده
يلكبر عفتني عليله شفتني
اختك يلكبر بحسره ودعتني
يخويه مصيبه
اضلن عجيبه
*****************
يلكبر من رحت يازهره سنينــــي
عليك الروح تلجمني وعمت عيني
اذا رحتو بعد منهو اليسليــــــــــني
طويله غيبتك ياهو اليواسيني
ترجعلي اكيده لوهايه بعيده
تقبلهه اضلن ياخويه وحيده
وحيده بونيني
منتضره تجيني
*****************
يبويه حسين اخبرك واستمع صوتي
منو يغمضلي عيني لو لفه موتـــــي
وبيدك لومتت ينشال تابوتـــــــــــي
اصيح وماسمعت الصوت ياخوتـي
اصيحن عليكم كلبي بين اديكم
دلوني دربكم باحزاني اجيكم
اذتني الليالي
يابويه يا غالي
*****************
يراعي الزود عمي صاحب الغيره
عفتوني عليله وخاليه الديـــــــــره
وانته لليجيرك تنتخي اجيـــــــــره
موصعبه اضلن عمي وزغيــــره
مايوكف حنيني اشفه من تجيني
يعمي عليكم ما يبطل ونيني
شيبطل عذابي
عليكم مصابي
*****************
للشاعر محمد الابراهيمي 14/11/2007