الهفهاف

(الهفهاف )
يوليدي جاسم ردنه سالم
كلبي مشه وياك
يا يمه و ترجاك
********************************
بيوم الترجه حسين ناصر ينصره
كمت وصحت لبيك لبيت أمــره
سيف الحسن موجود ورايته الخضره
يا يمه جيبي الطاس ودموعه مجره
يبني الكلب يفداك
يايمه و ترجا ك
********************************
من وادعاك حسين ودموعه جاري
للخيمه رد مهيوب كتله قراري
عمي العسل بشفاي وبحالي داري
ريت انصرع وياك ولموتي شاري
يوليدي يا محلاك
يا يمه وترجاك
********************************
للحومه من طبيت وعمك يراقب
فرت هذيج الكوم حتى الكتايب
ابن الحسن تدرون وابن النجايب
وجدي علي الكرار طيب الاطايب
دليني وتعناك
يا يمه وترجاك
********************************
ساعه وصحت يحسين يا عمي عمي
ادركني يا مظلوم اتعنه يمي
سلملي عل العمات ودعلي امي
صاباني راعي الشوم وفيضلي دمي
امك يريت اوياك
يا يمه وترجاك
**************
بيا لوعه جابه حسين كلبه تفطر
جابه وكعد وياه وبصفه الاكبر
يا عمي لا تمشون مو عدي خدر
وحدي واظل محتار يا بويه حيدر
دهري بلحد خلاك
يا يمه وترجاك
********************************
يوليدي يا جسام شاهدهه حالي
ترجعلي يبني النوب ويرد دلالي
عكبك اروحن وين ما يصفه بالي
يا اغلى من الروح بعيوني غالي
هم احلم والكا ك
يا يمه وترجاك

19/10/2008 الشاعر محمد الابراهيمي