Keko_2010 عظو متألق
عدد المساهمات : 610 نقاط : 5588 السٌّمعَة : 21 العمر : 36 المزاج : ما مرتاح
| موضوع: ناصر الحسين السبت سبتمبر 04, 2010 4:55 pm | |
| ناصر الحسين انه حيدر بالفعل يوم النزال انا ما موجود ما شفت الحبال جان احصدهم حصد هذا اكيد شلون جف زينب دنا يمه الحديد ********* انه جنت بلايه روح ولا زنود شلون جيش الكفر يتعدى الحدود لون ترجع يمنتي بأمر الودود جان اخلي اركابهم هي الشهود وجان اصيح بصوت تهتز كربله وجنت اراويهم كيف المرجله وسيفي عالكفار ينزل زلزله ها انه العباس حامي القافله ويم حوافر خيلنه يركع يزيد شلون جف زينب دنا يمه الحديد ************ ها انه العباس سبع الكنطره الدره خل يخبر الي مادره وليريد الموت يوكف بالسره هيله انه العباس راعي الزمجره هاي زينب بالخيم فنه الدنه يا حشوده الكافره واهل الخنه هذا عزرائيل كدامي انحنه كلي سيفك موت مستانس انه وتصرخ النيران جيبولي المزيد شلون جف زينب دنا يمه الحديد ************ يا عباد اللات والعزه معن انه اخوتي حسين يا ناس وحسن ماتمرنه الذله كالاها وعلن ومن دمانا بلون زينه الزمن يا عماة الافئده هذا حسين هذا ابن كرار زين العابدين هذا ابن اطهار نسل المرسلين هذا ابن بت النبي ام الجنين واليحب الموت يتقدم يريد شلون جف زينب دنا يمه الحديد ************
كون ترجع يمنتي ويه اليسار ارد اراويكم نجم عز النهار ارد اسوي عاصفه وبرق ودمار وارد اخلي الجيش مصيوب انهيار سيفي ما يضرب فقط بس الرؤوس مدري شنهي الزير يا حرب البسوس انه ابن حيدر علي فنه اليحوس احنه بالاسلام دكينه الاسوس لا ابن مروان والكافر وليد شلون جف زينب دنا يمه الحديد ***************** بس عتب وياك عندي يا نهر شعجب كلبك ما يحن وينفطر كلب ابو السجاد احر من الجمر والطفل عبد الله افديله العمر يا فرات وحيل متأسف اسف شلون مايك مايجف وما نشف هذا ابن الطاهره وخير سلف هذا ابن مكه ومنى والمزدلف ماهبت يوم القيامه والوعيد شلون جف زينب دنا يمه الحديد ************ يا سهم وياك زودت العتب صبت جبد حسين ليش بلا سبب والبالسما الاملاك صارت تنتحب انته من يا شجر ماعندك ادب لون ترجعلي جفوفي ورايتي جا لكيت الموت صار بيمنتي لاجن الجبار قدر طيحتي وبأذني اسمع صوت تصرخ عيلتي طاح ذاك البطل عالغبره وشهيد شلون جف زينب دنا يمه الحديد **************
للشاعر الحسيني محمد الابراهيمي 27/10/2008
| |
|