شعاب أبي طالب

شعاب ابي طالب
ماذا اقولو في البتولو
بت النبي المختار
زوجه علي الكرار
*****************
متحير يابت الصادق يااشرف من هذا الكون
نبراس المجد باقواله هاي الزهره ولاتنسون
لاتنسون الضلع الدامي وخدهه اللي متغير اللون
قنفذ بسوطه وتنسونه والثاني الاكبر ملعون
صوتو يدوي
ماذا يروي
حركو عليهه الدار زوجه علي الكرار
*****************
متعذرين هنا يلحجه منحجي بامك والباب
ومن محسن طاح بحسراته ياموقف شيب كل شاب
ونار البلباب النشبوهه ماينفع ويذوله اعتاب
بس السيف الينفع بيهم ويلمهدي جرحك ماطاب
تبكي عيني
للحسينـــــي
امك تصيح الثار زوجه علي الكرار
*****************
يانور وضي المتوهج والمسج يعبد اصنام
شيعه ولاجلج مامرتاحه وعيون الحبج متنام
جم نار المرت بالدنيه نار الباب ونار خيام
بس نار الشبت بالحجه ماتطفى وصارلهه اعوام
حرقو داري
دمعوجاري
تبجي الدمع مدرار زوجه علي الكرار
*****************
وعليج المابطل دمعي يم زينب ياام حسين
ياام الريحانة طه وسنين احزانج وسنين
ياام الباقر والصادق وياام الساجد وحنين
والكاظم هلن دمعاته والضامن لا ماناسين
دمعي يجر
اه يدهري
ضلموهه ذولي اشرار زوجه علي الكرار
*****************
عاشت وماتت مضلومه وتاسع اليمه الينعاج
والهادي وي سيل الكبه ماتمشين يضل طرواج
والحسن ذاك العسكري ضل بحزانه وما ينساج
ماينساج وصاح بصوته عايف للجنه العافاج
نحن ندرى
من تجرى
من شب عليج الدار زوجه علي الكرار
*****************
ياثار الزهره المضلومه وينك والثار اترجاك
بس اضهر يانور عيوني ونحور الشيعه التفداك
وبس امرك يلمهدي انطيعه وجنودك صفت وياك
هذا الجيش وياك اتحضر والسيف انصير بيمناك
اين مهدي
صاغ مجدي
ياخذ ديون وثار زوجه علي الكرار
****************