ناصر المنتصر

ناصر المنتضر
عشك عندي من الطفوله موغريب مثل جون ومثل عابس وي حبيب
وانصر بدمي الحسين
عن اراده وعن يقين
RRRRRRRRRRR
لاجل حسين اضحي باعز ماعندي
بالنفس العزيزه وامي وولـــــــدي
احلم بالشهاده وياحــــــــلم وردي
اموت بين ايدين الحجــه المهدي
طفركلبي وصرت ثائر للسليب مثل جون ومثل عابس وي حبيب
وماتغيرني السنيــن
عن اراده وعن يقين
RRRRRRRRRRR
بدرب ابو السجاد نتعنى حفـــاة
بس نزور حسين طلكنا الحيـــاة
وما تردن ارهاب ماهمنه الطغاة
واشتهينه الموت ماردنه النجــاة
صرت دكتور الضماير والطبيب مثل جون ومثل عابس وي حبيب
الك دمعات وحنين
عن اراده وعن يقين
RRRRRRRRRRR
ياابو السجاد الك مني العيــــــــــــــــــــــون
وانا اضن عباس جنني جنــــــــــــــــــــــون
صرت سيف وصرت دركه والك عـــــــون
حكه من شكك ثيابه بلهفه جـــــــــــــــــــون
والكصد يم كربله لا ما يخيب مثل جون ومثل عابس وي حبيب
تسمع اهات وونين
عن اراده وعن يقين
RRRRRRRRRRR
انه طعم حسين احسه ويه الحليــــــــــب
وصرت جون وصرت عابس وي حبيب
ولو نحور تروح لاجلك موغريـــــــــب
صرت عنوان الشهاده ياحسين يا سليب
شمس انته وبالضماير ماتغيب مثل جون ومثل عابس وي حبيب
يا اسد راعي العرين
عن اراده وعن يقين
RRRRRRRRRRR
فرض حب حسين نفدي بالعنـــــــــــــاق
ولو فدينه انحور معروف السيـــــــــــاق
وما تجزئنه الاعادي وابد مانهوى النفاق
احنه اهل العزم ذولي اهل العــــــــــراق
حبك ويانا ربا حد المشيب مثل جون ومثل عابس وي حبيب
والك ونات وانيـــــن
عن اراده وعن يقين
RRRRRRRRRRR
للشاعر محمد الابراهيمي 18/11/2008