ღ ೋஜ منتديات شباب البصرة ஜೋ ღ
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
ادارة المنتدى Professor_93
ღ ೋஜ منتديات شباب البصرة ஜೋ ღ
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
ادارة المنتدى Professor_93
ღ ೋஜ منتديات شباب البصرة ஜೋ ღ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 خواطر كثيره

اذهب الى الأسفل 
كاتب الموضوعرسالة
Keko_2010
عظو متألق
عظو متألق
Keko_2010


خواطر كثيره 613623
ذكر عدد المساهمات : 610
نقاط : 5587
السٌّمعَة : 21
العمر : 36
المزاج : ما مرتاح

خواطر كثيره Empty
مُساهمةموضوع: خواطر كثيره   خواطر كثيره Emptyالأحد أغسطس 15, 2010 5:48 pm

ملهوف اني لشوفتك والزم ايدك
ملهوف لهفة طفل
ولآحضانك اشتاك
اتقرب اني ردت منك حتى لو لحظات
ترجعلي
عمري المضى لو نرجع اني وياك

اكتبلي شماردت تكتب واردلك ... ازعل وابتعد
وامشي واردلك... بساتين بوسط قلبي ووردلك ... حبيبي شما يصير انت الية . حبيبي شما
يصير انت الية

حبك شامه بخدودي ودكه... واحط بالكلب بسمارك وادكه... شكم دكه
شفت منك ودكه... ورغم كل هذه حبك مو بديه

ادعيلك... شسويلك؟اكص من كلبي
واشويلك ... شسويلك ؟ افز باليل وابجيلك ...شسويلك ؟ اصير امك و الوليلك... شسويلك؟
ابوس اتراب جدمك واصليلك ... شسويلك ؟اكعد ابابك واغنيلك ... شسويلك ؟ اعوف اهلي
واجيلك ... متكلي شسويلك

# كافي من البعد يا كلب بس بس منو البذنك على
الهجران بس بس كبل تركض تجي لو كلت بس بس شجاك شغيرك هسة علية
# دخيلك حبيب
الكلب بستان واريد اخذ من الوجنات بستان صرت مثل الي اله بالنجف بستان التمر للناس
واني لعثوك اليه

# جدمي مايطب بيوم كصره واذا طب الجدم بالطبر كصرة اللسانك
علي طال يابن الناس كصره وبطل بعد لاتظل تحجي علية

# العنب من كال عالي
ماطليتة الزمن ماخفت منه ماطليته وجهي نفسة وجهي ماطليته ولبست الجينكو لليمر
بية

# نايلون طوباتنه وفزنه..تلزيك هدومنة وفزنه..يلعب عراقينه بهمومه
وحزنة..شوت هوار من فوك الكولجي ولك فوزنه..ولكم تره فزنه فزنه


# الدنيه
الف صورة لاقط الهة وابد ما صرت ثعلب لاقط الهة انه قلامي اتركتهة لاقط الهة شكتب
بعد مايقرون بيه

# حبيت ام شامه ام وجه دوار عليهة الكلب من الصغر دوار
لاعوفن مهنتي واشتغل دوار عود اشوفج كل صبح ومسية

# حضنك نحل عضامي وفكيك/
وطحت ما بين شفتينك وفكيك/اعذرني وعلي ما هدك وفكيك/ احسك كهرباء وجلبت
بيه
زماني جرد اسيوفه وسنهه عليه اوحرمت عيني وسنهه وحق اللي فرض خمسه وسنهه بعد
هيهات عيش ايصير اليه


# راعيتك ليش كلبك ما رعاني.. ويحبك صدكني وما
رعاني ...مره احبس بدمعي ومره اعاني.. ومره اطيح عيني بين ايديه

# الى ابو
جمانة صاحب مولدة الشارع مالتنة كلي شلون ويه ابو المولده شون وطفه.... كل مافتح
الماسنجر تنزل الجوزه وطفه.... كلي شون تاليه وشنو الحل وطفه .....ظلم عليه دنياي
وطفه .....الجوزه بس بالعراق تنزل وطفه

# سكر كاس الخمر من ضاك نفسك اكو
غيرك حلو بس ماكو نفسك اريدك يا حبيبي اتبوس نفسك بس بداخلك تنويهه اليه

#
اجرح عذب بروحي ولك حيل دوس على الجرح دمي الك حل ما ريد الحلو الاسمر والاكحل
اريدن گلب يخلص دوم اليه


# قال الشاعر الحشاش .. حبك يابعد الروح سوالي
مشاكل اشوي كباب يطلع فلافل ..اربي دجاج يطلع بلابل ..اعيط ابفاتحه تطلع
هلاهل


# فالح ابو العمبة ديغازل صاحبته يكوللها . حلو يالشعرچ مفلفل
فلافل وحك عيناج عن حبچ فلا افل ولو جانت عشرتي وياج صمون وفلافل ولج والله دجاج
انصير ومطبك سويه

# شلة بيها... من فركاك كل عضاي صارت شلة بيها... توديلي
اوف لاينات شلي بيها... رايد شوفتك والكعدة سوية؟؟؟؟

# مراصف دون بنيانك ولا
حل صباح وليل الك ناطر ولا حل انا بلياك لا اربط ولا احل لان انت الكلب وثنين
ادية

# الدهر وياي مرمني وسني === اني شاب خلص عمري وسني=== احب الشيعي يا
خوتي والسني===لان ثنينهم اخوان اليــة == انشرها مراح تخسر شي

# جنت انة
صافن ضربت اخماس بس داس وبنيت اساس للمحبوب بس داس صحيح انت لعبت وياي بس داس خسرت
وطيبتي العمت علية

# خد مثل الشمس وبالوجه...خاله وحبيبك اذا ابتعد
ياكلب...خاله معذور كرايب وابن ...خاله الكرابه جابتلي بس الاذيه


# وحق
الله وقضاه بسماه وارضة ... بغيرك لا تظن اقتنع وارضة ... عشرتي وياك مثل الخشب
وارضة ... نخرت حشاي من عشعشت بية

# حمى جسمي بغيابك ياما حامي
كََظيت
العمر كله ياما حامي
بعد يلحكَ علي يا محامي
اذا انت علي ترفع قضيه

#
حلو وياك كلبي صفي نيتة .. يريد يكون يمك صفي نيتة .. شارعنه بجمالك صفنيتة .. وطاح
من الركن للركن بية

# نحيل الجسم من بعدك تراني
واريدك دوم بعيونك
تراني
افكر بيك كل ثانية تراني
افكر والبعد يصعب علية
واسألك هم تفكر دوم
بيه؟

# صيري حبيبة الي واصيرلج أب
ونجمد بس اشوفج واحنة بوسط
آب
ترويني مر العشك وارويج انة سفن اب
دوخة يالعشك وكلك اذية

# صار
سنين عن عشكي مسائل
ودمعي من نزل عنك مسائل
حبك موكتابه وحل مسائل
حبك
بالدراسه الجامعيه

# وحك الي تعبدة الناس واحد
واحد ما درة بهموم
واحد
الف يبنون والهدام واحد
اني الوحدي ابني والف هدام اليه

# عزيز
واغلى من روحي وطنة
اموت بريحة ترابة وطينة
واسمع ونة بجروحي و طنة
لو
فارگت ارضي العراقي

# : المثلك كون يعرف قدر نفسه
وصديج النافسك بالخير
نفسه
اذا صخرة بلال اكطعت نفسة
ترة الصخرة بثكل وجهك عليه

# دكم
نقالي خربهن رصيدي
يالبنك العشك حبكم رصيدي
اراسلكم واذا خلص رصيدي
اعبي
لو بعت هدم العلية

# كلب صافي لون تهوى كلبنه
وابد مايوم علة اياد قلبنه
كلبنه
احنه ضلوع الك وانت كلبنه
ونحافظ عالكلب من كل اذيه


# عثر
وكع ....... فز واخترع..... لبس ونزع ..... راح ورجع.....اكل وبلع....وسنه
انشلع.....واللاخ انقلع.....وكلشي مسمع.....هذا كردي ديغني حبك وجع؟؟؟


#
وحم الالف واللامين والها
روحي بهوى ساهي العين ولها
لها ثغر وجبين وعين
والها
خذ شبه البدر لو سطع ضيه

# احبك ما احب احد بدالك
وشوكي مابدى
الغيرك بس بدالك
انا وين الكه يا ؟؟؟؟؟؟؟ بدالك
: اذا انت ملاك ومن السما
نازل عليه


# نه المايوم بعتك ونته داري وصرت گلاده لجلك ونته داري هلي
والناس انته ونته داري واساسك مو دغش غيره واخويه

# كلبي انت ملكته وانته حر
بي عليل وطبه يمك وانت حير بي كاس السم اجرعه وانتحر بي ولا غيرك يمس اطراف
اديه

الرجوع الى أعلى الصفحة اذهب الى الأسفل
 
خواطر كثيره
الرجوع الى أعلى الصفحة 
صفحة 1 من اصل 1
 مواضيع مماثلة
-
» خواطر جميله
» خواطر انجليزية جميلة

صلاحيات هذا المنتدى:لاتستطيع الرد على المواضيع في هذا المنتدى
ღ ೋஜ منتديات شباب البصرة ஜೋ ღ :: ۩۞Ξ…۝…Ξ۞۩المنتديات الادبية۩۞Ξ…۝…Ξ :: همس القوافي وبحر الخواطر-
انتقل الى: