سافرت بعيوني طيف ..
و شلتك برمشي مدينة ..
و خلصت بيك السوالف .. سمعت كل الطوايف
..
و من حجيت .. الكلمة تطلع .. تختنگ بين الشفايف
..
عن هوانا .. و عن هوانة ..
شلون راح و ما إجانة ..
آه يا قصة هوانا .. شگد حزينة
..
نفرح بلحضة و نعاني العمر بأيامه و سنينة
..
و گلنة نصبر .. هاي قسمة ..
و ندري نقمة .. و گلنة نعمة
..
و شفنة كلشي .. و گمنة نعمى
..
و گلنة نقنع بالنصيب .. و ازمة و تعدي .. شبدينة
؟
و عدنة چانت .. بس تلاشت ..
فرحة .. و احلام .. و اماني
أكبر من الكون چانت .. هسه صغرت
..
مثل صغر الدنيا بعيون اليتيم
..
و مثل صغر الشمس من يذلها غيم
..
و مثل واحد .. راد يفرح ..
لملم احزانة و دفنها .. بليل .. راح تموت ظنها
..
و بس شمس طلعت عليها ..
خضرت احزانة ضيم ..
خضرت احزانة ضيم ..
