Keko_2010 عظو متألق
عدد المساهمات : 610 نقاط : 5621 السٌّمعَة : 21 العمر : 36 المزاج : ما مرتاح
| موضوع: عيـــــد وهـــلا بعــيد المراجيــح ... الثلاثاء سبتمبر 07, 2010 6:28 pm | |
|
عيد وهلا بعيد الراجيح
خل نضحك صدك يستاهل العيد
العيد ايريد يفرح من اجانه
وجايب بيده فرحه وجاي للباب
وعنه اشكثر صمنه وفطرانه
عيب الخاطره خنعوف العتاب
ونسيناه اشكثر بس مانسانه
وخل ننسى الزعل ونفرح العيد
ونبوس اجفوف كلمن زعلانه
ونفتح اعيونه ونضحك على الراح
ونضحك عالبجي جي ماعمانه
امانه الفرح عدنه وآمنه العيد
امانه ولازم انرجع الامانه
الوجهنه اشكد حدايق عدنه تشتاك
وماشافت وجهنه ولا كفانه
الفراشات اعله جفنه الجانت اتنام
ليش انعوفهه اطير برانه
سنين اشكد بقينه واحنه صيام
وحته العيد صايم مره اجانه
موطلعت شمس وتكتر الغيم
وحمامات اشكثر ترسن سمانه
نزعنه اهمومنه وفكرنه نرتاح
ومن جف الحزن ضعنه ولكانه
كل احنه جرح بس لازم ايطيب
بدينه جروحنه وهمنه ودوانه
اجانه العيد خل انعايده انكوم
وعلى اخدود الورد نزرع ندانه
خل يرجع كبل عيد المراجيح
وتهزنه بفرح نسمة هوانه
صار اسنين نبجي ابفركة العيد
وجمر بكلوبنه اتذكر جوانه
عطشنه اعله الفرح بس مالكيناه
ومر من يمنه سكته وماروانه
بنص اكلوبنه خطارنه ايفوت
ماين من يجي ويندل مكانه
ونستنه الناس كلهه وحته الايام
بس العيد ابد لامانسانه
عدل سابقا من قبل Keko_2010 في الثلاثاء سبتمبر 07, 2010 8:55 pm عدل 2 مرات | |
|
Keko_2010 عظو متألق
عدد المساهمات : 610 نقاط : 5621 السٌّمعَة : 21 العمر : 36 المزاج : ما مرتاح
| موضوع: رد: عيـــــد وهـــلا بعــيد المراجيــح ... الثلاثاء سبتمبر 07, 2010 8:28 pm | |
| يسلموووووووووووووووووووووووو | |
|
Keko_2010 عظو متألق
عدد المساهمات : 610 نقاط : 5621 السٌّمعَة : 21 العمر : 36 المزاج : ما مرتاح
| موضوع: رد: عيـــــد وهـــلا بعــيد المراجيــح ... الثلاثاء سبتمبر 07, 2010 8:33 pm | |
| روووووووووووووووووووووووووووعه | |
|