نداء الحوراء ((البوذيات))
اجينه بكربله بهمه وجدنــــه
شفنا طف ابواليمه اوجدنــــه
الزهره فاطمه وحيدر وجدنه
يلومون الجثث بالغاضريــــه
''''''''''''''''''''''''
الضعن يحسين انا بزودي وكفله
بطل عباس ماواحد وكفلــــــــــه
ثوب المعركه بطوله وكفلـــــــه
وعلمهم درس شنهي المنيـــــــه
''''''''''''''''''''''''
بحب عباس كلبي ماهوراسـي
شيعي وما اطخن وماهوراسي
كلهه تصيح وينه ماهوراســي
من طب الحرب ماتو سويـه
''''''''''''''''''''''''
سبايا احنه وصبرنه وماهوينه
والغير الشهاده ماهوينــــــــــه
نريد احسين يحضر ماهووينه
اتاني حسين شيردا اليــــــــه
''''''''''''''''''''''''
والونه عليج صارت ونه بيهه
ياتاج الكرامه ونه باهـــــــــه
وين ام العقيله وين اباهــــــا
خل يلحك علي للفاطميـــــــه
''''''''''''''''''''''''
شموس على الارض طاحن والبدور
الفواطم للسبي راحن والبــــــــــدور
الزلم تتفرج علينا والبـــــــــــــدور
يرموني بحجر واشكف بديـــــــه
''''''''''''''''''''''''
نيشان على خدهه من سبيهــــــه
ومنهو الضرب زينب من سبيهه
هزت كوم اميه من سبيهــــــــــه
وهزتهم عباد الصنميـــــــــــــــه
''''''''''''''''''''''''
كلبي مانفر منــــــــكم ولازم
كرامه ويجب نحجيهه ولازم
انه بحسين متمســـــك ولازم
لان حب الحسين اعظم هويه
''''''''''''''''''''''''
سكنت الحود ياخويه والكبـــــور
وفكدت ازغار خواني والكبـــــار
اعله جاسم كلبي متفطر والكبــــر
احس روحي مشت من بين ايديه
''''''''''''''''''''''''
للشاعر محمد الابراهيمي 19/11/2008
بصره