اخوة العباس

اخوة العباس
******************
لاظلت يمنه ويسره نار السبط متوجره
صوته ينادي
راح سنادي
نار السبط متوجره
******************
بيوم السمع صوت البطل يحسين طحت بحيره
تاه الفكر من السبط يسمع اخوه ايجيره
ياخوي ظل يخاطبه يابو العزم والغيره
ترضى بزينب بت علي تنسبي الديره و ديره
ترضى اظل بحسره
وعكبك بكلبي الجمره
حيد وحادي راح سنادي
نار السبط متوجره
******************
وعله الجسد واكف يظل والدمع منه يسيله
ضهري انكسريابوالفظل وماعندي ظلت حيله
حيلي انهدم يوم الرحت وحملي ثكل شيشيله
وبالماي سكنه تناطرك و تناطرك هلعيله
تنطر طلعته سكينه
كالت يجي ويزكينه
نفل شدادي راح سنادي
نار السبط متوجره
******************
وبرجعته يم الخيم وعلجمر صاير ممشاه
وزينب تحاجيه بدمع عباس جاوين الكاه
يكله يختي اعله النهر لايمنته ولا يسراه
ودمه النزف فوك الثرى ونصين صارت هاماه
والدمع صار بكثره
وجوده يخيتي بكتره
ظخر امجادي راح سنادي
ونار السبط متوجره
******************
زينب تكله تحيرت وبفكد اخوي العباس
منهو اليعدل محملي يابو العزم والنوماس
يحسين ادري بالقدر جسمك يضل بلاراس
ويسبوني ذولي اهل الغدر لبن الدعي والارجاس
لاحمه عندي وحامي
ونار التشب بخيامي
وين اجدادي راح سنادي
ونار السبط متوجره
******************
باجر تشوفين العده يم خيمتي وحركوها
ونار التشب مو بالخيم بوسط الكلب وجروها
وبعيلتي يم الخدر بسوط الكفر اذوها
وجروها يختي بلارحم سكنه العده جروها
تصرخ يبويه الغالي
فارس شهم خيالي
وبيا وادي راح سنادي
ونار السبط متوجره
******************
للشاعر محمد الابراهيمي
19/1/2007


بصره