مهداة الى أبو حمزه الثمالي

ابوحمزه الثمالي
انه العليل ابن النبي تعرفوني هلو الدمع ياشيعتي وواسوني
*** ** *** ** *** ** ***
هلو الدمع لمصابي وامصاب حسيـن
اواسو الزجيه الطاهره بدمع العيــــن
ياشيعتي بركابكم صار الديــــــــــــن
واحيو امرنا بالعجل ياشيعتي ياطيبين
واهل الغدر ياشيعتي اذوني هلو الدمع ياشيعتي وواسوني
*** ** *** ** *** ** ***
شفت المصايب والبلا بارض اطفوف
وبعيني شاهدت الجبد وشفت جفوف
وشفت المذابح والدمه وشفت سيوف
وكوم وخيل ياشيعتي شفت صفوف
بصوتي وصحت يهل العزم عفتوني هلو الدمع ياشيعتي وواسوني
*** ** *** ** *** ** ***
وصار السبي وعفنه الجسد عالتربان
وعمتي العقيله بلا حمه ولا وليان
تصرخ يبو فاظل وكلبي الولهان
خيل وزلم تسبي الحرم والنسوان
يابو الفضل ام الخدر تدروني هلو الدمع ياشيعتي وواسوني
*** ** *** ** *** ** ***
ياشيعتي جدي النبي المختار
وحيدر علي تدرون جدي الكرار
شفت الخيم بعيوني من تلهب نار
وشفت الشمر يضرب بنت حامي الجار
وكوم الكفر يا شيعتي يسلبوني هلو الدمع ياشيعتي وواسوني
*** ** *** ** *** ** ***
ولمندخل ضعن السبايا الكوفه
نكرو ابوي المرتضى ومعروفه
ريت انعمي وهذا الوضع ماشوفه
بغدر ومكر صارت علي مصفوفه
بصوط وحبل ياشيعتي اذوني هلو الدمع ياشيعتي وواسوني
*** ** *** ** *** ** ***
تدرون ياشيعه علي بيوم الشام
من كل كتر صارو علينا الضلام
ويدري بصبرنا المحتسب والعلام
زجرو خواتي بلا سبب والايتام
عمي البطل يابو الفضل عفتوني هلو الدمع ياشيعتي وواسوني
*** ** *** ** *** ** ***


للشاعر محمد الابراهيمي 14/2/2007



بصره